Justus Lipsius eert de Leuvense kartuizer Joannes Gerulphus met een liminaria

...

Ad Ven[erabilem] Patrem Ioh[annem] Gerulphum, Cartusianum.
Gerulphe, sanctis sancte vates in locis,
Deo et Camoenis (sed sacratis) qui vacas,
Salomoniam te interprete Sapientiam
legi lubens laetusque, fateor, et tuum
miratus hoc in genere lumen ingenii
lumenque versus, nempe summa lux Deus
illuxit et direxit et mentem et stilum.
O te, vitae beatum et o studii simul,
in hoc sacrato qui teneris carcere
emancipatus cultui unius Dei.
At nos profanum hoc et profundum habet mare
iactatque ventis: subveni tu, vir sacer,
tuisque votis et tuorum nos iuva.
Nam carmini tuo carmine respondere libuit, sed subitario, nec aliter occupationes mihi permittunt. Eaedem minus saepe ad vos venire quam vellem, sed cum erit, alia coram loquemur. Nunc salve a I[usto] Lipsio tuo.